Chimamanda Adichie's Americanah: Gịnị ka Naịjirịa na Kenya na-azọ?

Adiche na Nyongo Image copyright BBC/Rich Fury

Naịjirịa na Kenya bụkwa otu nna akpọrọ 'Afrịka' mụrụ ha mana ọdịka akwụkwọ "Americanah" nwa ada Igbo bụ Chimamanda Adiche akpariela ndọrọndọrọ n'etiti ha.

Ha abụọ nọ na soshal midịa na-ekwusi ike maka etu Lupita Nyongo bụ onye Kenya sị chọọ ịkpa agwa ka onye Igbo n'ihe nkiri a ga-eji akwụkwọ ahụ wee mepụta.

Ngwaọrụ gị akwadoghi ọkpụkpọ mgbasa ozi
Media captionChimamanda akọwapụtala onye "feministị" bụ

Chimamanda Adiche dere Amerịcanah n'afọ 2013.

Lupita gotere ohere ijiri akwụkwọ mee ihe nkiri n'afọ 2018.

Mgbe ahụ, Chimamanda kwuru na aka ya agaghị adị n'atụmatụ etu ihe nkiri esi akwụkwọ mepụta.

Mana, ọ sịkwa na ya ga-agba mbọ hụ na enwetere asụsụ Igbo ọfụma na ya bụ ihe nkiri.

Nke pụtara na o nwereike nye aka hụ na Lupita mere nke ọma na ya bụ ihe nkiri.

Kemgbe WarnerMedia's kwuputechara ya, ndị mmadụ na-ekwu na soshal midia na-ekwesịghị ị nye Nyongo ohere ịkpa agwa ka onye Naịjirịa n'ihe nkiri Americanah makana o nweghị ire ndị mba ahụ.

@Duke Edoho dere na twitter na ọ bụrụ na Nyongo kpa agwa dịka onye Igbo n'ihe nkiri a, ọgaghị atọcha ụtọ.

Onye ọzọ kwukwara, "anyị nwere ụmụnwaanyị na-eme ihe nkiri ọfụma na Naịjirịa ga-akpali agwa ahụ nkeọma".

Mana ndị Kenya nọ na twitter kwuchitere nwanne ha ọnụ na-ekwu na onweghị onye Nyongo nọchịrị ụzọ makana ọ bụ ọkaibe n'ihe nkiri.

Ụfọdụ chetara ụmụ Naịjirịa na ọ bụ ndagwụrụgwu ọwụwa anyanwu Afrịka kpalitere mmuọ Beyonce ma kwalite ihe nkiri ya akpọrọ 'Lion King'.

Akụkọ ndị ga-amasị gị

Isiokwu Ndị Emetụtara