Urine Cup: Iko ga-eme ka nwaanyị nyụọ mamịrị ka nwoke

Iko mmamịrị
Nkenke aha onyonyo Ndị dọkịnta sị na iko a na-ebelata ibute nje n'ụlọmposi

Otu nwaanyị Kenya na-eweta usoro e nwereike iji gbochie nsogbu ibute ọrịa site n'ụlọmposi ọha nke na-adịghị ọcha.

Njeri Muthaka na-ere iko mamịrị nke na-enyere ụmụnwaanyị aka ịkwụ ọtọ nyụọ mamịrị ka ha ghara ịnọ ọdụ n'ụlọmposi bute ọrịa.

Muthaka gwara BBC na o bubatara iko mamịrị a mgbe ọ rịachara ọrịa si na mamịrị ọtụtụ oge.

O ji ya nyụọ mamịrị ma chọpụta na o nyere aka belata etu o si ebute ọrịa a, nke mere o ji malite ire iko a.

Ndị dọkịnta kwetere sị na iko mamịrị a na-enye aka ibelata ibute ọrịa.

"Ọ bụrụ na ị naghị etukwu ala anyụ mamịrị, ị gaghị eru ụlọmposi nso nke pụtara na ị gaghị eji ike ebute ọrịa.

Ị ga-egbochi ibute ọtụtụ nje dị iche iche," dịka dọkịnta Chris si kwuo.

Mana ụmụnwoke ndị Kenya sị na iko a megidere omenala ha.

Akụkọ ndị ga-amasị gị:

Ihe ndị ọzọ n'akụkọ a