America Visa: Ihe Naịjirịa ga-eme ka Amerịka gbapere ha ụzọ ime njem

Onyeisiala Buhari na Trump
Nkenke aha onyonyo Onyeisiala Naịjiria Muhammadu Buhari na onyeisiala mba Amerịka Donald Trump

Gọọmentị mba Amerịka enyela Naịjirịa ọnọdụ ihe ha ga-eme ka e mepere ha ọnụ ụzọ mba ha.

Onye na-anọchite anya mba Amerịka na Naịjirịa bụ Mary Beth Leonard kwụpụtara nke a mgbe o zutere mịnịsta ndị ọrụ bụ Chris Ngige.

Nke a na-abịa dịka Amerịka tinyere aha Naịjirịa na mba ndị ha agaghị enye akwụkwọ njem bịa biri n'Amerịka.

Amerịka sị na ọ bụ maka ọnọdụ ọjọọ nchekwa dị na mba ndị a gụnyere Eritrea, Sudan, Tanzania, Kyrgyzstan and Myanmar.

Kedụ ihe ha chọrọ ka Naịjirịa mee?

Image copyright Nigeria Immigration Service

1. Mary Beth Leonard bụ onye na-anọchiteanya Amerịka n'ime Naịjirịa kwuru ụfọdụ ihe gọọmenti ha sị ka Naịjirịa mee.

Ọ sị na ọ bụrụ na Naịjirịa wulite ọba ozi banyere njirimara ụmụafọ ya a kpọrọ 'data intelligence' nke ọma.

Amerịka sị na nke a ga-enyere mba ha aka inyocha nwafọ Naịjirịa ọbụla na-abata na mba ha.

2. Ha kwuru na Naịjirịa ga-agbalị hazie igwe nkekọrịta ozi ha na ndị Amerịka nke ọma.

Leonard sị na ọ bụrụ na Naịjirịa mee nke a na ha ga-elebanya iwepụ mmachi ahụ a machiri ha.

Kedụ ndị mmachi na-emetutaghị?

Mba Amerịka sị na mmachị a emetụtaghị ndị bi n'Amerịka ugbua, ndị na-aga ịgụ akwụkwọ, na ndị mere njem nlereanya.

Kama na ọ bụ naanị ndị na-achọ akwụkwọ ị ga biri n'Amerịka a kpọrọ 'Permanent visa'.

Akụkọ ndị ga-amasị gị: