Etu ọkụ si repịa ọdọ gassị ma gbuo mmadụ 5 na Legọs

Ọkụ Ipaja

Ọkụ gbara ebe a na-ere gassị na mpaghara Ipaja dị na Legọs gburu mmadụ asatọ ma merụọ ọtụtụ ndị ọzọ ahụ.

Onye ntaakụkọ BBC gara ebe ihe mere kọwara na ọ bụ n'ụlọ ọrụ Best Roof Cooking Gas ka mberede a mere.

A mabeghị ihe kpatara ọkụ a n'oge akụkọ a pụtara.

Ndị ọrụ gbata gbata na ndị ọrụ mmenyụ ọkụ si ụlọọrụ dị iche iche gara ebe ahụ itinyụ ọkụ ahụ.

Ihe ometụtara

Dịka ọ kwụ ugbua a, ọkụ metụtara ọtụtụ ihe nke gunyere ụlo obibi na ụlọ ala.

Lee etu ọ kwụ dịka onyeisi Lasema zitere BBC:

  • Ụlọ 25
  • Ụlọ ahịa 16
  • Otu ụlọ akwụkwọ prịmarị

Ọ sịkwa na ọkụ a mebiri ụgbọala na-ebu gassị otu, otu keke na otu ụgbọala pickup.