Mpụ njeri $2.1: Ụlọikpe akwụsila ikpe Dasuki

Dasuki Image copyright AFP
Nkenke aha onyonyo Dasuki gwara ụlọikpe ukwuu ka ha kwụsị ikpe ya n'ihi na gọọmentị ekwenyeghi ikpe ndị

Ụlọikpe ukwu dị na Federal Capital Territory a kwụsịla ikpe onye bụ buru onye ndụmọdụ n'ihe gbasara nchekwa obodo bụ Sambo Dasuki,

rue mgbe ndị Ụlọikpe Supreme ga-eme mkpebi dịka ha tinyere akwụkwọ.

Onye ọkaiwu Dasuki gwara ụlọikpe na ya bụ akwukwọ o tinyere n'ụlọikpe a nke ekwuru na a ga-elebara anya n'ọnwa March 2 ga-emetuta ikpe a n'uloikpe nta n'ụzọ na-ezighị ezi.

Onye ọkaiwu a,aha ya bụ Adeola Adedipe , kwukwara na ya bụ akwụkwụọ etinyere n'ụlọikpe Supreme bụ iji hụ na gọọmentị kwenyere na mkpebi ụlọikpe na mbụ n'itọhapụ Dasuki.

Dasuki na-agwa ụlọikpe Supreme ka ha kwusi ikpe a na-ekpe ya n'ihi na onweghị ikike zuru oke ikpe ya ikpe n'ụlọ ikpe nyere nkpebi nke gọọmentị na-ekwenyeghị na ya.

N'izaghachị ,onye ndụmọdu ikpe a bụ ọkaiwu, Atolagbe Olowaleke gwara ụlọikpe ka eleghara ya bụ akwụkwọ ọkaiwu Dasuki tinyere anya.

Na nkpebi ya, ọkaipke ukwu n'ikpe a bụ Hussein Baba-Yusuf, kwetara n'ihe Ọkaiwu Dasuki kwuru si na- iga n'ihụ n'ikpe a ga-egbochi i nweta ikpe ziri ezi.