World Cup 2018: Olileanya Moroko agwụla ka Pọtugal merichara ha

Ronaldo

Ebe foto si, Getty Images

Nkọwa foto,

Ronaldo enyela goolu anọ mere ka ọ bụrụ onye kachasị nye goolu dịka asọmpi a ka na-aga

Cristiano Ronaldo nyere goolu mere ka ndị Pọtugal merie ma kwudosie ike n'ịgafe agba mgbapụ.

Olileanya Moroko na ha nwere ike inweta pọịntị ga-eme ka obi kaa ha ịbanye agba mgbapụ bere na mwute maka na Pọtugal meriri ha.

Mmeri Pọtugal mere ka ha nọrọ n'ọkwa mbụ n'otu B nke Iko Mbaụwa, rue mgbe Spen na Iran ga-agba taa.

Mana Moroko apụọla n'asọmpi a n'agbanyeghị na ha ka ga-ezute Spen.

Ha gbara n'ọgbọ egwuregwu nke Luzhniki na mba Rọshịa.

Cristiano Ronaldo nyere goolu mere ka Pọtugal gbapụ Moroko, n'ime nkeji anọ.

Goolu a Ronaldo nyere Moroko emeela ka ọ bụrụ onye kachasị nye goolu na mpaghara Yurop n'ụwatụwa.

Ndị Moroko nwara ike ha ịsata goolu e nyere ha, mana ike ha niile enweghị ihe ọ pụtara n'ihu poostu.

Ha abụrụla ndị mbụ ga-ala n'asọmpi Iko Mbaụwa nke 2018.

Pọtugal ga-agbazi anya n'egwuregwu ha na Iran ga-agba, mana ha ga-eke nkwụcha ma ọ bụrụ na ha chọrọ imeri.

Akụkọ ndị ga-amasị gị: