Gịnị ka ọchụchụ Amaju Pinnick dịka onyeisi NFF ga-apụtara Naịjirịa?

Amaju Pinnick Image copyright Getty Images

Akụkọ na-ekwu na mịnịsịtri na-ahụ maka egwuregwu enyela iwu ka Amaju Pinnick bụ onyeisi ngalaba na-ahụ maka egwuregwu bọọlụ nke a kpọrọ Nigeria Football Federation(NFF) irituo n'oche dịka ụlọikpe.

Ụfọdụ na-eche na iwu a mịnịsịtrị a nyere nwere ike itinye Naijiria na nsogbu n'aka otu na-ahụ maka egwuregwu bọọlụ na mbaụwa a na-akpọ Fifa n'aha ịchafụ.

Ọnụ na-ekwuchitere Solomon Dalung, mịnịsta egwuregwu, bụ Nneka Anibeze kwuru n'ọ bụ ihe ụlọikpe kwuru ka Amajụ Pinnick na ndị ọzọ kwesịrị iso.

Na mbụ, Fifa akwadoghị ntuliaka nke Giwa na-ekwu na ya meriri n'afọ 2014 ebe otu mbaụwa ahụ kwuburu na ha ga-akwụsị NFF ọrụ n'ike ma ọ bụrụ na ha mee ntuliaka ọzọ.

Agbanyeghị na Pinnick meriri na ntuliaka ahụ emegharịrị, ndị ma ihe a na-ekwu na-akọwa na ntuliaka ahụ akwụghị ọtọ nke mere Giwa jiri gbaa akwụkwọ n'ụlọikpe n'ihi mpụtara ya.

Mana iwu Fifa kwuru na ọ bụrụ na gọọmenti esoro mkpebi ụlọikpe, ọ ga-emegide NFF na iwu ma nwe ike ịkpatara ha ntaramahụhụ.

Image copyright Getty Images

Ọkaiwu NFF bụ Festus Keyamo ebipụtala akwụkwọ ozi o kwuru si n'aka onyeisi Fifa bụ Fatma Samoura e kwuru na ọ bụ Pinnick na ndi otu ya ka ọ ma dịka ndị isi NFF.

N'akwụkwọ ozi ahụ, Samoura kwukwara na Fifa ka kwụ na mmachi ha machiri Giwa.

Cheta na Fifa amachibiola NFF mbụ ka gọọmenti tinyere aka n'okwu NFF.

Akụkọ ga-amasị :

Isiokwu Ndị Emetụtara