Burnley vs Man City: Aguero edowela City n'ụzọ irite iko Premier League ọzọ

Akụkọ dị mkpa taa

Ndị Man City ka ha merichara Burnley Image copyright AFP

Manchester City ka nọ n'ụzọ ịtụ ugo n'asọmpị Premier League nke 2019 ka goolu Sergio Aguero nyere ha mmeri na nzute ha na Burnley na ọgbo egwuregwu Turf Moor.

Igwe Bekee kpọrọ "goal-line technology" bu ihe eji kpebie na nrịba bọọlụ Aguero ziri ezi. Nke a goosiri etu ya bu asọmpi siri gaa - Man City abịaghị ka ndị zuru ka emee.

Burnley haziri onwe ha ọfụma nke, mana ọ bụ Man City ka mmeri bara n'aka ka onye na-egbu asọmpi ahụ gbuchiri ya.

Man City ga-anabata Burnley na be ha, ma gakwuru Brighton n'izu na-abịa.

Ha merie asọmpi abụọ, iko ga-abu nke ha.

Image copyright Getty Images

Ndị agha Naịjirịa abaala ụzọ na Gombe

Ndị agha Naịjirịa ezipula ndị otu ha na Gombe ka ha kwado mmachi amachiri ngagharị na steeti ahụ kemgbe Satọde.

Onye nọchite odeakwụkwọ steeti ahụ bụ James Pisajih sị na nke a bụ ka egbochie ọgbaaghara nwere ike ịsochi ụmụaka ndị Boys Brigade nwụrụ n'izu gara aga.

Image copyright Getty Images

IS "awakpola" ndị agha Naịjirịa

Otu ọmekataraihe pụụjọ bụ IS sị na ha egbuola ndị agha Naịjirịa mmadụ iri na kpụta otu onye ọzọ na ndụ na Borno steeti ụnyahụ.

Ndị omekome a kwuru na ha wakporo obi ndị agha Naịjirịa dị na Sabon Gari bụ nke dị na oteaka Maiduguri bụ isiobodo steeti ahụ bụ ebe ha butere ma mebie ọtụtụ ngwaagha.

Image copyright Reuters

Ndị uweojii awapoola ndị a na-ache na ọ bụ ha tụrụ ogbunigwe n' Sri Lanka

N'ofesi e, ndị uweojii obi dị inu awakpoola ọdọ ndị omekome bụ ndị ha sị na tụrụ ogbunigwe gburu ọtụtụ mmadụ na Sri Lanka tata bụ ụka.

Gọọmentị mba ahụ amachiela ya bụ otu akpọrọ Thawheedh Jamaath na be ha.

Gee Nkeji abalị

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ịkọ mgbe ọbụla

Lee ihe nkiri a

Ngwaọrụ gị akwadoghi ọkpụkpọ mgbasa ozi
Media captionIhe omimi dị n’emume Ikeji Arọndizuọgụ

Akụkọ ga-amasị gị

Isiokwu Ndị Emetụtara