Chelsea Vs Man United: E ji Chelsea gbụchachaa ọnụ gbụfuo

Ndị Chelsea Image copyright Getty Images

Manchester United ji obi ndị Chelsea sie "maị maị" dịka ha gbawara ha aka napụ ha ohere ịzọ Iko Carabao.

Goolu atọ e nyere n'ọgbọegwuregwu Stamford Bridge" ezughị ịkwụsị mmadụ ịpụ n'asọmpi a.

Ndị Man Utd bu ụzọ chịrị ọkụ bịa na nkeji 25 e ji bido bọọlụ, mgbe Marcus Rashford ji penariti dọkaa neetị.

Mana Michy Batshuayi bịara saa ya na nkeji 61, nyetụ ndị Chelsea obere olileanya.

Na nkeji 73, Rashford gosiri ihe e ji akwụ ya ụgwọ ọnwa, ka o ji mbada "free kick" tụkwasị goolu nke kpọnyere ntu n'akpati Chelsea.

Goolu a mere ya goolu ise Rashford na-enye Chelsea kemgbe o jiri gbawara Man Utd bọọlụ.

Akụkọ ga-amasị gị:

Ihe nkiri ga-amasị gị:

Ngwaọrụ gị akwadoghi ọkpụkpọ mgbasa ozi
Media captionSports betting: Ihe ọghọm dị n'ịgba chaa chaa

Isiokwu Ndị Emetụtara