Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

Akụkọ Na-abịa Ugbua

Nke Uche Akolisa

Oge niile edepụtara bụ UK

  1. Oraifite dị chakoo n'mgbede ụnyaahụ

    Okporoụzọ adịbeghị ka ọ na adịbu n'Oraifite.

    Ebe ọgbakọ n'Oraifite
    Ụzọ dị n'Oraifite
    Ụlọ ụka n'Oraifite
  2. Oraifite amachiela ndị Ipob na ndị mmọnwụ

    Ndị Oraifite amachiela emume ndị mmọnwụ isii na ndị Ipob na be ha.

    Nke a na-abịa dịka egburu ndị uweojii abụọ n’ọgbaghara dara n’etiti ndị Ipob na ndị uweojii na be Ọkaiwu Ifeanyi Ejiofor.

    Dịka ndị Oraifite siri kọwa, ọgbaghara a pụtara dịka ndị otu mmọnwụ abụọ malitere isi okwu ebe a na-akwa ozu.

    Ọ bụ ndị Oraifite Improvement Union (OIU) kwuru nke a n’Ọka ụbọchị Wednesde.

    Ndị mmọnwụa amachiri bụ Otu-Eke, Otu-Afọ, Otu-Orie, Otu-Ube na Otu-Ayaka.

    Offor Uche bụ onyeisi OIU na Igwe Oraifite bụ Daniel Udeoji binyere aka n’ozi a.

    Ozi ha sị: “Ndi na-achị Oraifite agaghị agba nkịtị ka ndị omekome nara anyị obodo anyị ma mebie aha anyị,

    “Ihe mere n’ụbọchị abụọ nke ọnwa Dicemba abụghị usoro njirimara Oraifite.”

    Mmọnwụ Ijele
  3. Unu asaala chi?

    Anyi ka na-etinyekwe anya n'ihe mere na Oraifite.

    Ka taa na-aga, anyị ga na-ewetere unu ihe ọhụru pụtara na ya bụ okwu.

  4. Na mbụ ...

    View more on facebook

    Na mbido, ndị uweojii kwuru na ha nwetara mkpesa megidere Ọkaiwu Ifeanyị Ejiofor, kpọọ ya oku, ọ zaghị ha, ha gaa n'ụlọ mana ndị Ipob luso ha ọgụ, gbuo mmadụ abụọ ndị otu ha.

    Ha gara n'ihu rịọ onye ọbụla hụụ Ejiofor ka ọ gbara ha ama.

    Ifeanyị Ejiofor na Kọmishona ndị uweojii Anambra steeti bụ John Abang
    Image caption: John Abang: Onye hụrụ Ejiofor gbara anyị ama

    Mana Ipob gọrọ si na onweghị ozi ọkaiwu ha natara, kama na ndị uweojii wakporo ụlọ Ejiofor, sunye ya ọkụ gbagbuo ọtụtụ mmadụ nkiti enweghị ngwa ọgụ ha ji suo ụgbọala na ozu ndị ahụ ọkụ iji mee ka a ghara inwe ihe aka ebe.

    Lee akụkọ ihe merela kemgbe ahụ: https://www.bbc.com/igbo/afirika-50631291

  5. 'Ihe mere na m ewetaghị ihe onyonyo ihe mere n'ụlọ ọkaiwu Ipob'

    Onye ntaakụkọ BBC igbo gara ebe ihe mere bụ Ebere Ekeopara kwuru na obodo bụ igwe n'ebe Ifeanyị Ejiofor oge o ruru nso ebe ha nke mere ka ọgbaa ọsọ ndụ.

    Gee ihe okwuru n'ọnụ ya:

    View more on facebook
  6. Gọọmenti Anambara ekwughị pim

    Dịka o merela abalị atọ ọgbaaghara dapụtara n’etiti ndị uweojii na ndị otu IPOB n’Oraifite, Gọọmentị Anambra Steeti ekwubeghị pịm.

    Otu onye welitere isi na gọọmentị Anambra gwara BBC na ha ka na-eche ka ndị uweojii, ndị ọgbakọ Obodo na Igwe ndị Oraifite kọwaara ha ihe merenu nke ọma tupu ha ekwuo ihe ọbụla maka ọdachi ahụ tarala isi mmadụ.

    Willie Obiano
  7. Ọ bụ ọgụ dara n'etịtị ndị otu mmọnwụ butere ụka- Ndị ndu Ọraifite

    Mmọnwụ

    Ndị ndu obodo Ọraifite ekwuola na ọ bụ nghọtahie dị n'etiti otu mmọnwụ butere ọgbaghara dapụtara n'Oraifite n'ụbọchị Monde.

    Cheta na ndị mmadụ gụnyere ndị uweojii abụọ nwụrụ dịka ndị Ipob na ndị uweojii kwatara oge ndị uweojii wakporo ụlọ ọkaiwu otu Ipob bụ Ifeanyị Ejiofor maka ebubo imaja na ịtọrọ mmadu.

    View more on twitter

    Mana ndị ndu obodo ahụ gụnyere Sunny Igboanuzue bụ President-General Oraifite Improvement Union, odeakwụkwọ ya bụ Offor Uche, na eze obodo ha bụ Igwe Daniel Udeoji kwuru na ọ bụ ndị mmọnwụ mere ede jiri bee nwịị.

    N'akwụkwọ ozi ha wepụtara dịka ha na ndị ntaakụkọ nwere mkparịtaụka n'Ọka ụbọchị Wenezde, ha katọọ ọ ogbugbu e gburu ndị uwe ojii ma kwuo na ha agaghị agba nkịtị ndị omekeome a na-akpa ike n'ala ha.

    Ha gara n'ihu machie otu mmọnwụ isii maka ibute ọgbaghara n'obodo ahụ.

    Otu mmọnwụ ihe ndị megidere bụ; Otu-Afor, Otu-wo, Otu-Orie and Out-Ube, Otu Ayaka na mmọnwụ ọbụla na-agba n'abalị.

  8. Ihe onye ntaakụkọ anyị ji anya ya hụ

    View more on facebook

    Kemgbe Monde ka Oraifite na-enwu ọkụ dịka ndị uweojii na ndị Ipob kwadara oge ndị uweojii wakporo ụlọ ọkaiwu otu Ipob.

    Lee ihe onye ntaakụkọ BBC hụrụ n'obodo ahụ ka ọ gara ya ụbọchị Wenezde:

    Video content

    Video caption: Ipob-Police clash: Oraifite tọgbọọ chakoo
  9. Ụkwụ apụọla ndị Oraifite ọsọ

    Ebe niile tọgbọọ chakoo
    Image caption: Ebe niile tọgbọọ chakoo n'Ọraifite

    Oke n'ọsọ ngwere n'ụzọ n'Obodo Oraifite , Anambara steeti dịka ọgbaghara dara n'etiti ndị uweojii na ndị otu Ipob na-aga n'ihu taa bụ Wenezde.

    Onye ntaakụkọ anyị gara ebe ahụ kọwara na ọ bụ naani ụmụ nwaanyị nọzị n'ụzọ nakwa n'ahịa Nkwọ Oraifite azụ ahịa n'ihi egwu na ndị uwe ojii ga-abịa bọrọ ọbọ maka ndị otu ha nwụrụ anwụ.

    Ka ọ dị ụgbua, ebe niile n'Oraifite juru oyi.

    Mgbe BBC rutere n' ụlọ Igwe Oraifite bụ Daniel Udoji, o nweghị onye anyị hụrụ n'ụlọ ya.

    Mbọ niile anyị gbara la anyị gaa n'ụlọ Ifeanyi Ejiofor ebe ya bụ mkpa mkpa nọrọ kpaa amịtaghị mkpụrụ n'ihi na Obodo ka nọ na katakata.

    Oraifite tọgbọọ chakoo
  10. Ndewoo ndị be anyị!

    Nke onye chiri ya zere!

    Sonyere anyị maka iwetara ụnụ nke na ebe kemgbe nsogbu dapụtara n'etiti ndị uweojii na Ndị Ipob n'Oraifite,Anambara steeti