Buhari ekelela Xi Jinping maka e megharịrị ya onyeisiala China

Xi jingping Image copyright Getty Images
Nkenke aha onyonyo Xi kwesiri iritu n'afọ 2023 mana nke agaghị emezi

Onye nkwuchiteọnụ onyeisiala bụ Femi Adesina dere akwụkwọ ozi degara onyeisiala mba China bụ Xi Jingping taa maka na e megharịrị ya onyeisiala mba ahụ.

Adesina kwuru na Buhari jiri aka binye aka n'akwụkwọ ozi ekele ahụ o zigara Xi.

O kwuru na Buhari toro onyeisiala mba China maka amamihe na ụdị ọdịnaihu o nwere maka China.

Ụlọọrụ onyeisiala Buhari depụtakwara ozi ekele ahụ n'igwe mgbasa ozi Twitter taa.

N'akwụkwọ ozi ekele Buhari dere, o kwupụtara olileanya ya na Naịjiria na China ga-aga n'ihu na-enwe ezi mmekọrịta.

Cheta na otu pati Communist nke Xi nọ na ya gbanwere iwu China iji mee Xi onyeisiala mba ahụ rue n'ọnwụ.

Kemgbe 1990, iwu China kwuru na ọ bụ naanị ugbo abụọ ka onyeisiala China ga-anọ n'ọkwa.

Mana Xi, bụ onye kwesiburu ịrịtụ n'afọ 2023, akpọpụtala onye ga-anọchị ya mgbe pati na-achị China nwere nnọkọ a n'ọnwa Ọktoba 2017.

Iwu a emegharịrị ga-enye Xi Jinping ohere ịnọdu ka onyeisiala karịa ugboro abụọ o kwesịrị ịnọ.

Akụkọ ndị ga-amasị gị: