Black Hole: Ọ ga-elonwu ụwa?

Mpio ojii

Ebe foto si, EHT

Nkọwa foto,

Nke a bụ foto mpio ojii mbụ mmadụ na-eseta.

Ndị na-enyocha mbara igwe ewepụtala foto ebe ha setere 'mpio ojii' dị n'otu ụyọkọ kpakpando (galaxy).

Ndị ọkammụta sayensị kwuru na ihe e ji atụnyere etu ọ ha bụ na o ji ihe ruru ugboro nde atọ karịa etu ụwa ha, ma jiri ihe ruru ijeri 40 tee aka.

E ji ihe e ji enyo mbara igwe nke bekee kpọrọ "telescope" asatọ wee sete foto mpio ojii a bekee kpọrọ "black hole".

Ọkamụta Heino Falcke si na mahadum dị na Mba Neitherlands, ebe esi wepụta atụmaatụ a kwuru na ha hụrụ ya bụ "black hole" na ọgbakọ kpakpando akpọrọ M87.

"Ihe anyị hụrụ karịrị ụwa ebe anyanwụ na-eru na mbaụwa niile", Falcke kwuru.

Falcke kwuru na mpio oji a bụ ọkachasị na mpio ojii ahụgoro na mbaụwa niile .

Ebe foto si, DR JEAN LORRE/SCIENCE PHOTO LIBRARY

Nkọwa foto,

Ndị sayensị kọwara ihe ha hụrụ na ya

Gịnị ka ha hụrụ na "black hole"a?

Ha chọpụtara ọla ọkụ gbara ya okirikiri bekee kpọọ "ring of fire".

Ọkụ a na-egbuke egbuke chakarịrị ijeri kpakpando dị n'ime ọgbakọ kpakpando ya mere e ji hụtali ya n'akụkụ ụwa.

Ihe ndị mmadụ na-ajụ bụ kedụ ihe ga-eme maọbụrụ na otu ihe daba na mpio oji ahụ.

Gịnị bụ "black hole"?

  • "Black hole" bụ ohere ihe enweghị ike ịpụli na ya.
  • Maka aha ya, onweghị ohere etu ahụ kama o nwere ihe siri ike na-adọkpụ ya.
  • O nwere oghere ebe a na-akpọ "event horizon"