Akụkọ kachasị n'abalị : Anyị anaghị anapụta ndị akpọchịrị ego - Onyeisi ụlọmkpọrọ Anambra

Akụkọ kachasị n'abalị a

Anyị anaghị anapụta ndị akpọchịrị ego - Onyeisi ụlọmkpọrọ Anambra

Image copyright Getty Images

Onyeisi ụlọmkpọrọ nke Anambra steeti bụ Emmanuel Nwakaeze na-agọ ebubo na ndị ụlọọrụ ya na-anapụta ndị akpọchịrị n'ụlọmkpọrọ ego tupu e kuru ha gaa ụlọikpe.

Nwakaeze kwukwara na govanọ steetị ha bụ Willie Obiano kwesiri ị leeba anya na okwu makana ọnụ ọgụ ndị noọ n'ụlọ mkpọrọ karịrị akarị.

Eboola gọvanọ Rochas Okorocha ebubo gbasara ọkụ gbara ụlọọrụ APC n'Imo steeti

Image copyright Getty Images

Theodore Ekechi bụbu kọmishọna na-ahụ maka mgbasa ozi n'Imo steeti ekwuola na ọ bụ Gọvanọ Rochas Okorocha na ndị otu ya mụnyere ụlọọrụ APC ọkụ ụnyaahụ.

Ekechi gwara BBC Igbo n'ekwentị na ndị Imo jụrụ Rochas Okorocha maka arụ ọ na-eme na steeti ahụ.

O kwuru na nsogbu a niile bidoro mgbe ya na ndị otu ya jụrụ ka gọvanọ webata ọgọ ya nwoke n'ọchịchị Imo steeti.

Ndị agha Kenya na-achọ ndị Briten abụọ atọrọ

Image copyright Getty Images

Ndị agha ala Kenya ekwuola na ha abanyego n'ime ọchịchọ ndị na-eme njem abụọ sị mba Britain a tọrọ n'ebe egwuregwu n'ala Congo.

Onyeisi ebe egwuregwu a kwuru na ndị ji egbe wakporo ha, ma gbuo onye na-anya ụgbọ ala ha.

R Kelly na-agọ ebubo nwakpo ụmụnwanyị

Image copyright Getty Images

Onye egwu aha ya bụ R Kelly na-eme mme mme egwu na North Carolina mana ọtụtụ mmadụ na-eme nghagharị iwe n'ebe ahụ makana ha na-ebo ya ebubo na-owakporo ọtụtụ ụmụnwanyị.

Mana R Kelly ka na-agọ ebubo a.

Gee akụkọ anyị n'abalị a

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Lee ihe nkiri anyị

Ngwaọrụ gị akwadoghi ọkpụkpọ mgbasa ozi
Media captionMkparita uka BBC Igbo Omwiewu Ukwu Mao Ohuabunwa