Boko Haram: Anyị ga-akpata nkata ọhụrụ - Ndị ndu Chad Basin

Akụkọ dị mkpa

Mkpatịta ụka ndu Chad Basin

Image copyright Femi Adesina
Nkenke aha onyonyo Buhari na ndị isiala ndi ọzọ nọ na Chad Basin si na ha ga etinye uche na-ibuso Boko Haram agha

Ndị isiala mba Naịjirịa, Chad, Niger na Central Afrịcan nọ n'ọgbakọ n'isi obodo Chad bụ N'Djamena n'ilebanye n'okwu gbasara nchekwa na mba ndị ahụ.

Ọgbakọ a nke ga-ewe otu ụbọchị ga-enyere ha aka ihiwe ọrụ ọtawaike n'ibuso Boko Haram agha.

Ndi oji ego achụ ego n'ahịa Nkwo Nnewi ekwuola na ha ga-agbape ahịa ha dịka ha na-eche ịnụ ihe ndi uweojii na gọọmentị na-ekwu maka ndị otu ha eji eji.

Ha kwukwara na ọ bụrụ na a tụhapụghị ha, na aga agbachikwa ahịa ahụ, tinyekwara ahịa niile dị n'Anambra rue mgbe atọhapụrụ ndị a.

EFCC ga-enyo ndị ego ndị ndọrọ ndọrọ ọchịchị

Image copyright EFCC FACEBOOK PAGE
Nkenke aha onyonyo Buhari họpụtara Magu ugboro abuọ ka ndị sineti were ya dịka onye isi EFCC

Ụlọọrụ EFCC ekwuola na ha ga-enyoba anya n'ego niile otu ndọrọ ọchịchị na-enwete maka ntuliaka 2019.

Onyeisi ụlọọrụ ahụ bụ Ibrahim Magu kwupụtara nke n'ọgbakọ ndị gọvanọ mere n'Abuja.

N'ofesi

Image copyright Getty Images

Michael Cohen onye bụbu ọkaiwu Onyeisiala mba Amerịka bụ Donald Trump ekwuola na ọ tụrụ asị nye ndị omeiwu gbasara ụlọukwu Trump na-arụ na Rọshịa.

Cohen pụtara n'ụlọikpe na-atụghị ma kwupụta nke a n'ihu ọkaikpe n'obodo New York

Nkeji

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Ihe nkiri

Ngwaọrụ gị akwadoghi ọkpụkpọ mgbasa ozi
Media captionEmume Oja n'Enugwu
Image copyright Getty Images

N'akụkọ yiri ibe ya otu websait ọhụrụ akpọrọ "CrossCheck Nigeria" apụtala ebe a na enyocha ma akụkọ ọbụla pụtara ma ọbụ akụko ụgha.

Ọtụtụ ndị nta akụkọ sị mba ofesi tinyere aka n'ịmụpụta websait a makana a chọpụtara na ọtụtụ akụkọ ụgha na-efegharị na Naịjirịa ugbua.

Agbagheela ụlọomeiwu Anambra steeti

Image copyright TWITTER/NASS

Ndị uweojii ekwuola na ha mehela ụlọomeiwu Anambra steeti.

Cheta na ndị uweojii mechiri ya bụ ụlọomeiwu maka ọgbaghara bidoro maka nchụda a chụdara Rita Maduagwu bụbụ onyeisiụlọomeiwu ahụ.

Ha na-ekwukwa na ha ga-agba mbọ hụ na nwuchiri onyeọbụla chọrọ ịkpalite nsogbu n'ụlọomeiwu ahụ ọzọ.

N'ofesi

Image copyright Getty Images

N'ofesi, onyeisi mba Ukrain na-arịọ obodo dị iche cihe n'okpuru NATO ka ha zite ndị agha enyemaka ngwa ngwa maka ebubo ha na-ebo na Rọshịa chọrọ ka Ukrain laghachị azụ dịka obodo nọrọ n'okpuru ala

Rọshịa.

N'egwuregwu

Image copyright Getty Images

N'egwuregwu, onyeisi "Nigeria Football Federation" bụ Amaju Pinnick ekwuola na ọ mara otu Falcons ga-enwe mmeri na asọmpị ikpeazu nke iko mba ụwa nke ụmụnwaanyị.

Falcons na Bayana Bayana sị mba Saut Afịrịka ga-ezute n'ụbọchị mbụ nke ọnwa Dizemba nke afọ a.

Gee nkeji BBC

Ngwaọrụ gị akwadoghi ọkpụkpọ mgbasa ozi
Media captionAkụkọ ga-amasị gị ị ga-achọ ikọ taa niile

Lee ihe nkiri