Liverpool vs Chelsea: A pịala Chelsea ụtalị mmụọ

L:iverpool Image copyright Getty Images
Nkenke aha onyonyo Liverpool na-aṅụrị mgbe Salah nyere goolu

Chelsea dutere Liverpool ahịa makana ha agbaghị aka ahịa maọlị mgbe ha zutere n'ọgbọ ọgụ Anfield.

Sadio Mane bu ụzọ ji isi tinye bọọlụ na mpio mgbe ọ kụrụ nkeji iri ise na otu (51").

Ka nke a mechere, ọ dị ka goolu Mane amụnyere Mohamed Salah ọkụ nke ịhụnanya mere o jiri nọrọ n'oteaka 18 yada were pịanye shọtụ n'aka eru nwata Kepa Arrizabalaga bụ oche goolu ndị Chelsea na nkeji 53".

Agụ nwoke Salah, nyere ihe a hụrụ dịka goolu ya kacha mma kemgbe ọ gbawara Premier League, bụ nke mere ya goolu iri na itoolu ọ na-enye na Premier League n'afọ a.

Goolu a zuru ịkpọ ndị Chelsea ntu n'obi, makana nke a bụ mbụ a na-emeri ha n'Anfield kemgbe afọ 2012.

Chelsea nwara ihe niile ha nwere ike ka ha sata otu goolu, mana Liverpool kpachiri ike nke bere asọmpị ahụ na 2 - 0.

Chelsea ka nọ n'ọkwa anọ na tebulu, mana ma ha a ka ga-anọ ma ha a ga-arịda, dị n'aka Arsenal ka ga-ezute Watford.

Akụkọ ga-amasi gị

Isiokwu Ndị Emetụtara

Ihe ndị ọzọ n'akụkọ a