$1bn loan from China: Ụgwọ Naijirịa ji ga-ezu steeti ọwụwa anyanwụ afọ 28

Uju Paulcy Image copyright Uju Paulcy
Nkenke aha onyonyo Uju Paulcy bụ onye ịchụ ntaego dooro anya

Gọọmenti etiti etinyela aka n'akwụkwọ maka ibite ego ruru otu ijeri dọla ($1bn) ha sị na a ga-etinye n'ọrụ obiọkụ Gurara Dam.

Nke a mere ka ndị mmadụ buru aka n'isi meghe ọnụ maka oke ụgwọ dị Naịjirịa n'isi ka ọ dị ugbua.

Ụlọọrụ Debt Management Office (DMO) gbara ama na ụgwọ dị Naịjrịa n'isi ugbua dị tarị naịra iri abụọ na anọ na ụma (N24.387tn).

Nke a pụtara bọjet 2019 Naịjirịa ugboro abụọ na ụma.

Onye ọrụ agụm ego doro anya bụ Malachi Ani sị "ụgwọ a Naịjrịa ji ga-ezuru steeti ọwụwa anyanwụ ihe ruru afọ 24 ma e nwere ego amapụtara maka mkpata na mmefu akụ ha nke 2019 bụ nke kariri N870bn maa atụ".

Image copyright Malachi Ani

Nke a pụtara na $1bn gọọmenti chọrọ ibite ga-atụkwasa ihe n'elu ụkwọ Naịjirịa ji eji bụ nke ji ọkara chụwa ego bọjet ndị ọwụwa anyanwụ niile.

Agụnwaanyị ịchụnta ego doro anya bụ Uju paulcy kwuru na ọnweghị ihe dị njọ na-ibite ego.

Image copyright Getty Images

Na isiokwu bụ itinye ya bụ ego na-ebe mkpa ọha na eze dị.

Ọ sị na "ọteela gọọmenti Naịjirịa biwere ego maka ọkụ latriki mana ọnwebeghị ihe ahụrụ anya".

Image copyright Uju Paulcy
Nkenke aha onyonyo Uju Paulcy bụ onye ịchụ ntaego dooro anya

Uju na-arịọ gọọmentị ka ha kawa ahụ tinye ego nke a n'ọrụ ka ha siri kwuo, ịme ka ọkụ latriki bụrụ atrụrụ tawa na Naịjrịa.

Akụkọ ga-amasị gị

Isiokwu Ndị Emetụtara