Видео: Ооганда калган кыргыз жоокерине байланышка чыгышты
Жабдыгыңыз медианын бул түрүн ойнотууга ылайыктуу эмес.

Видео: Ооганда калган кыргыз жоокерине байланышка чыгышты

1979-1989-жылдар аралыгында болгон ооган согушу учурунда дайынсыз кеткен кыргыз жоокердин кабары чыгууда. Жакын туугандары Кыргызстандын расмий органдары аркылуу Ооганстан бийлигине кайрылышты. Орозалы Кочкоровдун Ооганстандагы телефонуна биринчи жолу байланышуу аракети оң натыйжа берген жок.

Анын учурда Ооганстандын Гур провинциясынын Чагчаран шаарында жашай турганы боюнча маалыматтар бар. Бүгүн советтик жоокердин бир туугандары Ооганстандан дайыны табылган Орозалыга телефон аркылуу байланышууга аракет кылышты.

"Бирок жакшы болбой калды. Башка эле бир орус алып сүйлөдү. Кечинде иштен кийин чалгыла деп айтты. Балким ошондо сүйлөшүп калабыз. Жанында адамдар болуп, атайын сүйлөшпөй койдубу деп да ойлоп жатам. Балким, кечинде сүйлөшүп калышат",-деп үмүттөнөт Аскарали.