Дүйнө лидерлери Англияга саммитке келишти. Саммитти өткөзүп жаткан Британиянын премьер-министри Борис Жонсон эмки жылдын аягына чейин дүйнөнүн жакыр өлкөлөрүнө 100 миллион ченем ковид вакцинасын берерин айтты. АКШ президенти Жо Байден жакынкы он эки айда 500 миллион ченем ковид вакцинасын бөлүүнү убада кылды. "Чоң жетилик" жалпысынан 1 млрд ченем вакцина бөлүшүүгө милдеттенме алат деп күтүлүп жатат.
Дүйшөмбү күнү "Чоң жетиликтин" тышкы иштер министрлери Лондондо чогулуп, бир нече маселени талкууга алат. Алардын арасында Орусия менен Кытайдын пропаганда жана жалган маалымат таратуу ыкмасына туруштук берүү механизми каралат.
Британия менен Канада Орусиянын "Чоң жетилик" саммитине чакырууга каршы чыкты. Буга чейин АКШнын президенти Трамп Москва саммитке чакырылышы керек деп айткан.
