Перс булуңу

Бириккен Араб Эмирлиги өлкөнүн өнүгүшүнө салым кошо алган чет өлкөлүктөргө жарандык сунуштайт. Бул тууралуу БАЭ вице-президенти, Дубайдын башчысы шейх Мохаммед ибн Рашид ал-Мактум жарыялады.

Үч жылга созулган дипломатиялык чатак жана соода блокадасынан кийин Сауд Арабиясы башында турган Перс булуңундагы өлкөлөр Катар менен мамилесин жакшыртууга кадам таштады.

Оман булуңундагы машыгуу учурунда ирандык "Жамаран" аскер кемеси жардамчы "Конарак" кемесин ракета менен атып алды. 19 аскер кызматкери каза таап, 15 киши жаракат алганы кабарланууда.

Коронавирус пандемиясы ички каршылыктар, жарандык согуштан алсырап, качкындар агымын токтото албай, калк арасында жакырчылыктан улам нааразылык күчөп турган Жакынкы Чыгыш өлкөлөрүнө дагы жетти.

Сауд Арабиянын тышкы иштер министри эки мунай объектине кол салуу болгондон кийин бардык чараларды, анын ичинде аскердик аракеттерди дагы караштырып жатканын билдирди.

Сауд Арабиянын Коргоо министрлиги дрон жана ракеталардын калдыктарын көрсөтүп, алардын Ирандан атылганын айтышууда. Би-Би-Си Жакынкы Чыгышта кимдин дрону бар экенин жана алар качан колдонулганын иликтеди.

Улуу Британиянын өкмөтү Ормуз кысыгында мунай тартып бара жаткан британдык кемени Иран күчтөрү токтотууга аракет кылганын кабарлады. Мындан бир апта мурун Гибралтар кысыгында британдык деңиз аскерлери Ирандын мунай кемесин токтотушкан эле.

Жакынкы Чыгыш жана Түндүк Африкада жүргүзүлгөн иликтөөгө ылайык, арабдардын көбүнүн динге ишеними төмөн. Иликтөө учурундагы сурамжылоодо региондогу негизги көйгөйлөр, анын ичинде аялдардын укугу, миграция жана коопсуздук боюнча суроолор дагы берилген.

Перс булуңу - дүйнөдөгү эң тынчы жок аймактардын бири жана соңку 40 жылда бир нече ирет куралдуу жаңжалдар орун алды. Булуңдагы өлкөлөрдүн ар бири этияттап саясат жүргүзгөнү менен кээде чөлкөмдөгү таасир талаштан бири-бирине үстөмдүк кылуу үчүн агрессивдүү кадамдарга барган учурлар болот.