Өздөрүн "Ислам мамлекети" деп атаган топтун согушкерлери Тажикстан менен Өзбекстандын чек арасына жакын аймактагы тозотко кол салып, кеминде 17 киши каза тапты. Бул тууралуу Тажикстандын расмийлери билдирди.
Өздөрүн "Ислам мамлекети" атаган экстремисттик топ өзүнүн жаңы лидеринин ысымын атады. Мурдакы лидер Абу Бакр аль-Багдади өткөн апта соңунда АКШ тарабынан өткөрүлгөн операция учурунда жок кылынган.
Сирия армиясы өлкө түндүгүнө жөнөтүлдү. Басылмалар күрд кошуундары Дамаск менен расмий келишимге жетишкенин жазууда. Ага ылайык, Сириянын армиясы өлкө түндүгүндөгү чек ара тилкесине жайгашат.
Түрк аскерлери чек ара тилкесиндеги сириялык Рас-аль-Аин жана Таль-Абйад шаарларын курчоого алды. Гуманитардык жардам боюнча эл аралык агенттик качкындар саны 100 миңге жетиши мүмкүн деп кооптонууда.
