73 жыл мурун дүйнө тарыхын өзгөрткөн август
1945-жылы 6-августта япониялык Хиросимада сааттын жебелери токтоп калды. Бул эрте мененки саат 8.15те болгон. АКШ шаарга өзүнүн атомдук бомбасын таштаган. 9-августта атомдук бомба Нагасаки шаарына ташталган.
-
Getty Images
Калк жыш жайгашкан, курулуштары да жыш Хиросима биз көз ирмемде эле жер менен жексен болду. Адистердин болжолдуу эсептөөлөрүнө караганда, Хиросимада каза тапкандардын (140-200 миң киши) 70-80 миңге чукулу бомба жарылган учурда эле мүрт кетишкен. Жарылуунун очогунда болуп калган кишилер жөн эле майда бөлүкчөгө айланып, ың-жыңсыз жок болуп, ысык абага бүркүлүп кеткен. Ал жердеги ысык абанын температурасы Цельсия боюнча 4000 градуска чейин жеткен.
-
Getty Images
Хиросимага ташталган "Балакай" деп аталган бомбанын макети. Бомбанын курамында 64 кг уран болгон.
-
Getty Images
Бомбаны B-29 "Суперфортресс" учагынан ташташкан. Экипаждын командири полковник Пол Тиббетс болгон. Ал кийин буга өкүнгөн да эмес экен. 1975-жылы берген интервьюсунда "ар түнү уйкусу бейпил болорун» айткан. Арадан 30 жыл өткөндөн кийин Тиббетс: "Азыр мени ошондогудай кырдаалга таштасаңар, шайтан алгырдыкы, муну дагы жасайм» деп билдирген.
-
Getty Images
Ядердик бомбанын жарылуудан кийинки эле кесепетинен 80 миң киши каза тапкан. 1945-жылдын соңунда радиоактивдуү нурлануудан жана башка тескери кесепеттеринен жалпысы болуп 166 миң киши мерт болгону белгилүү болгон.
-
Getty Images
Хиросимадагы жарылуудан аман калып, жашап кеткендер бүтүндөй өмүрүн болуп өткөн окуядан алган психологиялык дартынан арыла албай жашап өтүшкөн.
-
Getty Images
Бомба жарылуунун артында күл гана калды. Радиоактивдүу нурлануу бир нече жүздөгөн чакырымга чейин тараган. Бирок ууланган райондордогу калкты эвакуациялоо болгон эмес.
-
Getty Images
Хиросимадагы айрым имараттардын сөөгү бузулбай калган. Сүрөттө Соода палатасынын мекемеси. Чехиялык архитектор Ян Летцелдин долбоору менен курулган имарат жардыруунун очогунан 160 метр гана арлыкта болгон.Имаратты кайра тургузбай эле эстелик сыяктуу калтырып коюшкан. 1996-жылы аны ЮНЕСКО дүйнөлүк мурастар тизмесине каттады.
-
Getty Images
Үч күндөн кийин, 9-августта саат 11:02де экинчи атом бомбасы япониялык ири порт шаары болгон Нагасакиге ташталган. Муну кесепети менен 80 миң киши каза тапкан. Ушул ядердик соккулардан кийин Азиядагы согуш токтоду. Бирок тарыхчылар мунсуз деле Япония багынып бергенин жарыялоого камынып жаткан эле деп белгилешет. Бул бомба чабуулдары жана Советтер союзу тарабынан Японияга согуштун жарыялангандан кийин, 14-августта Япония капитуляция боюнча билдирүү жасады.
-
EPA
Жыл сайын Хиросимада он миңдеген япониялыктар чогулуп, каза тапкандарды эскеришет.