Ирандын Сириядагы күчтөрү Израилдин аскердик позицияларын бутага алды

Israeli soldiers walk next to tanks near the Israeli side of the border with Syria in the Israeli-occupied Golan Heights, Israel May 9, 2018 Сүрөттүн автордук укугу Reuters
Image caption Сириянын армиясы Голан бийиктигинен 1967-жылы Израиль тарабынан сүрүлүп чыгарылган

Ирандын "Революция сакчылары" Израилдин Голан аймагындагы аскердик позицияларын бутага алгандан кийин, Тель-Авив Ирандын Сириядагы аскердик базаларына сокку урду.

Израилдин армиясы соңку жылдардагы ири аскердик операция натыйжалуу жыйынтыкталды деп билдирди.

Израил Ирандын Сириядагы курал-жарак сактаган кампаларды, логистикалык имараттарды жана Голан аймагындагы ракета атылган жайларды бутага алганын маалымдады.

Ошондой эле Тель-Авив Сириянын ракеталарга каршы системасына дагы сокку урду. Сириянын мамлекеттик медиасы Израилдин айрым ракеталары абада жок кылынганын кабарлады.

Ирандын "Революция сакчылары" Израилдин аскердик позицияларын көздөй болжолдуу 20 ракета учурган. Алардын көбүн Израилдин ракеталарга каршы коргонуу системасы абада жок кылды. Тель-Авив эч ким жабыркаган жок деп билдирди.

Буга чейин Израилдин расмийлери "Сириядагы ирандык күчтөрдүн адаттан тыш жанданганы" тууралуу сөз кылган.

Ирандын Сириядагы күчтөрү жана Ливандагы "Хезболла" тобу, Орусия менен бирге президент Башар Асадды колдоп келет.

Сириянын армиясы Голан бийиктигинен 1967-жылы Израиль тарабынан сүрүлүп чыгарылган. 1981-жылы Кнессет бул стратегиялык аймакты Израилге таандык деген мыйзам кабыл алган.

Тектеш темалар

Тема боюнча башка макалалар