Эң узак орозо кайсыл өлкөдө тутулууда?

Image caption Кыргызстандын өзүндө болсо 17 саат орозо тутулууда.

Азыркы учурда дүйнөдөгү мусулмандар отуз күндүк орозо тутууда. Эң узак орозо сааттары Гренландияга туура келет.

Бул өлкөдөгү мусулмандар ооз бекитилгенден баштап ооз ачылганга чейин 22 саат орозо кармап жатышат.

Гренландиядан кийинки узак сааттар Орусияга мүнөздүү. Аймагы чоң бул өлкөнүн айрым жерлериндеги орозо убактысы 20 сааатка чейин созулат. Орусия аймагында Кыргызстандык эмгек мигранттарынын көп эмгектенишет эмеспи. Кыргызстандын өзүндө болсо 17 саат орозо тутулууда.

Бул жылы дагы орозо айы ысык аптаптуу күндөргө туура келди. Былтыры мындан дагы ысык күндөрү өткөн. Бирок ошого карабастан көпчүлүк дени-карды соо кишилер орозо кармоого аракет кылышат.

Австралиядагы мусулмандар 11 саат орозо кармап жатышат. Бул башка өлкөлөргө салыштырмалуу эң аз убакыт.

Эң узак орозо кайсыл өлкөдө тутулууда?

Исламда орозонун маанисин бир эле тамак-аштан баш тартуу эмес, аң-сезимди дагы тазалоо деп айтылат.

30 күн орозо кармаганда сиздин денеңизде боло турган өзгөрүүлөр жөнүндө айтып берели.

Орозонун эң кыйын учуру - биринчи эки күн

Сиздин денеңиз техникалык жактан алганда акыркы тамактануудан сегиз сааттан кийин гана ачкачылык абалына кирет. Бул болжол менен биздин ашказаныбыз ичкен тамак ашты сиңирип бүткөн учур.

Андан кийин биздин денебиз энергия алыш үчүн боор менен булчуңдарда сакталып турган глюкозаны керектей баштайт. Глюкоза түгөнгөндө энергиянын булагы майлар болот.

Организм майды эритип баштаганда бул салмактын азайышына, холестериндин деңгээлинин төмөндөшүнө алып келет жана кант диабетинин өөрчүшүнүн коркунучун азайтат.

Бирок канда канттын деңгээлинин азайышы денени алсыратып, летаргия кылат.

Башыңыз ооруп, айланып, куску келип. Оозуңуздан жагымсыз жыт келе баштайт.

Сүрөттүн автордук укугу Getty Images

Бул сиздин ачкачылык деңгээлиңиз абдан интенсивдүү болуп турган чагы. 3-7 күндөрү суу азайган учурда этият болуңуз.

Сиздин денеңиз көнө баштаганда, майлар эрип, кандагы кантка айланат.

Ооз ачкан убакта суюктукту нормадан кемитпей ичип турушуңуз керек. Болбосо, тердей берип, организмдеги суу түгөнүп калышы мүмкүн.

Сиздин тамактанууңуз «энергетикалык тамактануу» деңгээлинде болушу керек, башкача айтканда углевод жана кээ бир майлардын нормасы жетиштүү деңгээлде болушу керек.

Акырындап көнө баштадык. 8-15 күндөр

Үчүнчү этапта сиздин маанайыңыз кадыресе жакшы болуп калат, анткени денеңиз ачкалыкты кармоого бүтүндөй ылайыкташып бүттү.

Кембриждеги Адденбрукс ооруканасынын анестезия жана интенсивдүү терапия боюнча кеңешчиси доктор Разин Маруф орозонун башка дагы артыкчылыктары бар дейт.

«Күнүгө демейде биз өтө көп калорий керектейбиз, бул организмге анын өзүнүн калыбына келүү сыяктуу башка милдеттерин жакшы аткарганга тоскоолдук келтирет.

Орозодо бул башкача болот, денениз башка иштерди да аткарууга жетишет. Ошентип, орозо организмди жандантып, инфекциялардын алдын алуу жана күрөшүүгө жардам берет».

Тазалануу 16-30-күн

  • Орозонун экинчи жарымында сиздин организм ачкалыкты кармоо процессине толугу менен ылайыкташып бүткөн болот.
  • Жоон ичеги, боор, бөйрөк жана тери детоксикациядан өтөт же башкача айтканда организмдеги зыяндуу заттардан арылуу, тазалануу процессинде болот.
  • «Бул этапта органдардын иштеши эң жогорку деңгээлге чыгып, эске тутуу жана концентрация жакшырат, сиздин күч-кубат көбөйөт»,-дейт доктор Маруф.
  • Орозо Сиздин организм бул учурда энергия булагы катары белокторду керектебей калат. Бирок организм аябай ачка боло баштаганда булчуңдарды "жей" баштайт. Ачка болуу көп күнгө жана жумага созулган учурда ушундай болот.
  • Ал эми Орозодо адам таң аткандан күн батканга чейин тамак ичпеген себептүү, организм тамак-аш түрүндөгү энергиялык потенциалын сактап калат. Бул булчуң массасын жоготпой сактап калганга мүмкүнчүлүк берет».
  • «Туура кармалган орозо сизге күнүгө энергияңызды толуктап турууга мүмкүнчүлүк берет, демек, сиз денеңиздеги баалуу булчуң эттерди жоготпой туруп, салмагыңызды түшүрө аласыз». (AbA)

Тектеш темалар