Сүрөт баяндама: Өрттөн кийинки Нотр-Дам

Париж тургундары жана коноктору шейшембинин таңында Нотр-Дамдын өрттөн кийинки абалын көрдү. Чатыры, сааты жана мунаралары ураган. Жыгачтан жасалган бөлүктөрү күйүп кеткен...

Франциянын президенти Эммануэль Макрон кырсыкты үрөй учурган трагедия атап, имарат толугу менен калыбына келтирилет деп убада берди. Реставрация иштерине эмитен эле жүз миллиондогон каражаттар чогулууда.

Сүрөттөр Нотр-Дамдын ичинен жана сыртынан тартылган.

Баалуу тарыхый буюмдарды шаардык администрация имаратына убактылуу чыгарып кетишти.

Сүрөттүн түшүндүрмөсү,

Нотр-Дам өрткө чейин (2017-жыл, июнь) жана өрттөн кийин (2019-жыл, 16-апрель)

Париждин прокуратурасы кырсыктын келип чыгышын иликтөөгө киришти. Бул үчүн 50 адистен турган топ түзүлгөнү маалым болду.

Париждин чок ортосунда жайгашкан чиркөө XII-XIV кылымдарда курулган. Бул жерге жыл сайын миллиондогон туристтер зыярат кылып келет. Виктор Гюгонун ушундай аталыштагы романынан кийин чиркөөнүн аты ого бетер алыска угулган.

Чиркөөнүн батыш бөлүгүн куруу иштери 1200-жылы башталган. Бирок эки мунаранын бири 40 жылдан кийин тургузулган экен. Экинчисин 10 жылдан кийин курушкан. Жалпы курулуш 1250-жылы бүткөн.

Мунаралардын бийиктиги 68 метр. Эң бийик жерине чыкканда Париждин толук панорамасы ачылат. Ал жерге чыгыш үчүн 387 тепкичти басып өтүү керек. (AbA)

***