Королеванын жолдошу канзаада Филипп дүйнө салды

канзаада Филипп

Букингем сарайы Эдинбург герцогу, королева Елизаветанын жолдошу канзаада Филипп 99 жаш курагында дүйнө салганын кабарлады.

Канзаада Филипп менен королева Елизавета 1947-жылы баш кошкон. Ушундан беш жылдан кийин Елизавета королева катары такка олтурган. Алардын ортосунда төрт бала, сегиз небере жана 10 чөбөрөсү бар эле.

Букингем сарайынын билдирүүсүндө: "Улуу урматтуу королева өзүнүн сүйүктүү күйөөсү, Эдинбург герцогу, канзаада Филипптин каза болгонун терең өкүнүү менен билдирди. Улуу урматтуу канзаада бүгүн эртең менен акка моюн сунду",-деп айтылат.