एक्झिट पोल : मध्यप्रदेश, राजस्थान, छत्तीसगडमध्ये काँग्रेसला मोठा फायदा

मोदी, राहुल

अनेक पराभवांच्या मालिकेनंतर आता काँग्रेसला अपेक्षा आहे की त्यांना यावेळी विजयश्री मिळेल. आज मतदान संपल्यानंतर येत असलेल्या एक्झिट पोल्सच्या आकड्यांनी काँग्रेसला निश्चित आनंद झाला असेल. कारण मध्य प्रदेश आणि राजस्थानमध्ये काँग्रेसची सत्ता येऊ शकते, असा अंदाज अनेक एक्झिट पोल्सनी व्यक्त केला आहे. छत्तीसगडमध्येही काँग्रेस सत्तेत येऊ शकतं, असा अंदाज काही पोल्सनी व्यक्त केला आहे.

मध्य प्रदेश

मध्य प्रदेशमध्ये 230 जागांसाठी 76.39 टक्के मतदान झालं. इथे सध्या भाजपची सत्ता असून शिवराज सिंह चौहान मुख्यमंत्री आहे.

इथे काँग्रेसची सत्ता येऊ शकते, असं दोन पोल्सनी म्हटलं आहे. टाइम्स नाऊच्या पोलनुसार इथे भाजप सत्ता कायम राखेल तर आज तकनुसार इथे दोन्ही पक्षांमध्ये चुरशीची लढत आहे.

भाजप काँग्रेस इतर
इंडिया टुडे-Axis My India 102-120 104-122 04-11
ABP-CSDS 94 126 10
इंडिया न्यूज MP - NETA 106 112 12
टाइम्स नाऊ-CNX 126 89 15
रिपब्लिक TV - जन की बात 108-128 95-115 07
न्यूज नेशन 108-112 105-109 11-15
इंडिया-CNX 122-130 86-92 08-10
न्यूज 24 - पेस मीडिया 98-108 110-120 10-14

राजस्थान

राजस्थानमध्ये 199 जागांसाठी 59.43 टक्के मतदान झालं. इथेही सध्या भाजपची सत्ता असून वसुंधरा राजे मुख्यमंत्री आहेत.

आतापर्यंत हाती आलेल्या दोन सर्व्हेंनुसार इथे काँग्रेसची सत्ता येऊ शकते तर एक सर्व्हे दोन्ही पक्षांमध्ये अटीतटीची लढत दाखवत आहे.

भाजप काँग्रेस इतर
रिपब्लिक TV - जन की बात 83-103 81-101 15
इंडिया टुडे-Axis My India 55-72 119-141 03-08
टाइम्स नाऊ-CNX 85 105 09
रिपब्लिक-CVoter 60 137 03
न्यूज नेशन 89-93 99-103 05-09
Zee राजस्थान 80 110 09
न्यूज 24 - पेस मीडिया 70-80 110-120 05-15
News X-NETA 80 112 07

याशिवाय लोकनीती-CSDSच्या एक्झिट पोलमध्येही कांग्रेसला बहुमत मिळताना दिसतंय.

छत्तीसगड

छत्तीसगडमध्ये 90 जागांसाठी 76.35 टक्के मतदान झालं. याही राज्यात भाजपचीच सत्ता असून मुख्यमंत्री रमण सिंह आहेत.

इथे तीन पोल्सनुसार भाजप तर दोन पोल्सनुसार काँग्रेसची सत्ता येऊ शकते.

भाजप काँग्रेस इतर
इंडिया टुडे-Axis My India 21-31 55-65
ABP-CVoter 52 35 03
इंडिया TV 42-50 32-38 01-03
न्यूज 24 - पेस 36-42 45-51 04-08
टाइम्स नाऊ-CNX 46 35 09
रिपब्लिक TV - जन की बात 35-43 40-50 03-07

तेलंगणा

तेलंगणामध्ये मुख्यमंत्री के. चंद्रशेखर राव यांच्या तेलंगणा राष्ट्र समिती आणि काँग्रेसप्रणित आघाडीमध्ये स्पर्धा आहे. इथे तेलंगणा राष्ट्र समिती जिंकत असल्याचं आतापर्यंत हाती आलेल्या पोल्सनुसार दिसत आहे.

तेलंगणा राष्ट्र समिती काँग्रेस + इतर
इंडिया टुडे-Axis My India 79-91 21-33 05-10
रिपब्लिक-CVoter 48-60 47-59 01-13
NewsX - ITV Neta 57 46 16
रिपब्लिक TV - जनता की बात 50-65 38-52 12-21
टाइम्स नाऊ - CNX 66 37 16
TV9 तेलुगू-AARA 75-85 25-35 07-11

सर्व पाच राज्यांची मतमोजणी 11 डिसेंबरला होणार आहे. मंगळवारी दुपारपर्यंत कोणत्या राज्यात कुणाची सत्ता येईल याचे चित्र स्पष्ट होईल.

मिझोरम

मिझो नॅशनल फ्रंट काँग्रेस इतर
रिपब्लिक-CVoter 16-20 14-18 03-10
टाइम्स नाऊ-CNX 18 16 06

प्रतिक्रिया आणि विश्लेषण

पत्रकार शिवम विज ट्विटरवर - "खूप माहितीपूर्ण भाकित नाही वर्तवतोय, पण एक राजकीय अंदाज म्हणून सांगू इच्छितो - 11 डिसेंबरला भारतीय जनता पक्ष एक देखील राज्य जिंकणार नाही."

पत्रकार रोहिणी सिंह ट्विटरवर - "हे विधानसभा निवडणुकांचे निकाल काँग्रेस आणि भाजपसाठी महत्त्वाचे आहेतच. पण डिसेंबर 11 ला हेसुद्धा स्पष्ट होईल की मायावतींचा प्रभाव किती आहे, त्याची राजकीय पत वाढेल की कमी होईल."

हेही वाचलंत का?

(बीबीसी मराठीचे सर्व अपडेट्स मिळवण्यासाठी तुम्ही आम्हाला फेसबुक, इन्स्टाग्राम, यूट्यूब, ट्विटर वर फॉलो करू शकता.)