Maharashtra Cabinet Ministers full list | उद्धव ठाकरे सरकार - मंत्रिमंडळ संपूर्ण यादी आणि खाती

उद्धव ठाकरे

फोटो स्रोत, Getty Images

मुख्यमंत्री उद्धव ठाकरे यांच्या सरकारच्या खातेवाटपामध्ये मुख्यमंत्र्यांकडे सामान्य प्रशासन, माहिती तंत्रज्ञान, माहिती व जनसंपर्क, विधी व न्याय ही खाती होती या मंत्रिमंडळातील वनमंत्री संजय राठोड आणि गृहमंत्री अनिल देशमुख यांनी राजीनामे दिले होते. या मंत्रिमंडळातील एकनाथ शिंदे यांच्यासह शिवसेनेच्या अनेक मंत्र्यांनी मुख्यमंत्र्यांविरोधात बंड केले.

काही दिवसानंतर उद्धव ठाकरे यांना बहुमत सिद्ध करण्याची सुचना राज्यपाल भगतसिंह कोश्यारी यांनी केली. मात्र विधानसभेला सामोरं जाण्याऐवजी उद्धव ठाकरे यांनी आपल्या पदाचा राजीनामा दिला.

त्यानंतर एकनाथ शिंदे यांनी भारतीय जनता पार्टीच्या मदतीने सरकार स्थापन केले. त्या मंत्रिमंडळातील सदस्य- एकनाथ शिंदे-देवेंद्र फडणवीस सरकारची संपूर्ण यादी आणि खाती येथे वाचू शकता.

उद्धव ठाकरे यांच्या मंत्रिमंडळात अर्थमंत्रालयाची जबाबदारी अजित पवार यांच्याकडे होती. बाळासाहेब थोरात यांच्याकडे महसूल खातं होतं.. अशोक चव्हाण यांना सार्वजनिक बांधकाम, जयंत पाटील यांच्याकडे जलसंपदा आणि लाभक्षेत्र विकास तर एकनाथ शिंदे यांच्याकडे नगरविकास आणि सार्वजनिक बांधकाम (सार्वजनिक उपक्रम) हे मंत्रिपद होतं.

फोटो स्रोत, Getty Images

फोटो कॅप्शन,

शिवाजी पार्क येथे झालेल्या शपथविधीवेळेस मुख्यमंत्री उद्धव ठाकरे

अल्पससंख्यांक विभागाचे मंत्री नवाब मलिक अनेक दिवस कारागृहात असून त्यांच्याकडील खात्यांची जबाबदारी इतर मंत्र्यांमध्ये वाटून दिली होती.

भारतीय जनता पार्टीने नवाब मलिक यांच्या राजीनाम्याची वारंवार मागणी केली आहे. मात्र अद्याप त्यांचा राजीनामा घेण्यात आलेला नाही. नवाब मलिक बिनखात्याचे मंत्री आहेत.

फोटो स्रोत, Getty Images

फोटो कॅप्शन,

उपमुख्यमंत्री अजित पवार आणि मुख्यमंत्री उद्धव ठाकरे, मंत्रिमंडळाच्या शपथविधीच्यावेळेस

काँग्रेस, राष्ट्रवादी आणि शिवसेना यांच्यासह मित्रपक्षांच्या महाविकास आघाडीनं राज्यात सत्ता स्थापन केली. मात्र, पहिला मंत्रिमंडळ विस्तार झाल्यानंतरही खातेवाटप झालं नव्हतं.

पाहा महाराष्ट्राच्या मंत्र्यांची संपूर्ण यादी -

हे वाचलंत का?

(बीबीसी न्यूज मराठीचे सर्व अपडेट्स मिळवण्यासाठी आम्हाला YouTube, Facebook, Instagram आणि Twitter वर नक्की फॉलो करा.

बीबीसी न्यूज मराठीच्या सगळ्या बातम्या तुम्ही Jio TV app वर पाहू शकता.

'सोपी गोष्ट' आणि '3 गोष्टी' हे मराठीतले बातम्यांचे पहिले पॉडकास्ट्स तुम्ही Gaana, Spotify, JioSaavn आणि Apple Podcasts इथे ऐकू शकता.)