29 tagraiche son coimisean ùr na Croitearachd.

Bha dragh ann bho chionn ghoirid nach biodh mòran thagraichean ann.

Tha 29 neach air an ainmean a chuir air adhart son a bhith nam ball air Coimisean ùr na Croitearachd.

Gu ruige seo, 's e an riaghaltas a tha air a bhith a' taghadh nan coimiseanairean.

Thèid pàiperan bhòtaidh a' sgaoileadh do dhaoine a tha clàraichte ann an sgìrean croitearachd a dh'aithghearr.

Feumaidh iad na pàipearan a thilleadh ro 15mh den Mhàirt.

Cothrom eachdraidheil

Tha Riaghaltas na h-Alba ag ràdh gur e cothrom eachdraidheil a tha seo son cothrom a thoirt do chroitearan a dhol an sàs.

Tha 9 tagraiche air cuir a-steach son dreuchd choimisineir ann an sgìre na Gàidhealtachd an Iar.

Anns na h-Eileanan an Iar, tha sianar air seasamh, 4 air a' Ghàidhealtachd an Ear agus 5 san Iar-dheas.

Tha dìreach aon roinn anns nach eil ach aon thagraiche a seasamh.

Chaidh an liosta de thagraichean air fad fhoillseachadh le Comhairle na Gàidhealtachd.