Cuirm a' tòiseachadh na h-obrach air campas ùr UHI

Na tha san amharc aig a' champas ùr Image copyright bbc
Image caption Cosgaidh am pròiseact mu £75m

Thèid cuirm shònraichte a chumail ann an Inbhir Nis Dimàirt gus toiseach tòiseachaidh a chomharrachadh air obair-togail a' champais ùir aig Oilthigh na Gàidhealtachd 's nan Eilean (UHI).

Tha dùil gun cosg am pròiseact, a tha a' dol air adhart aig an Fhaidhbhileach (Beechwood), £75m.

Còmhla ri UHI air an làraich bidh Colaiste an Àiteachais, agus Colaiste Inbhir Nis, a thuilleadh air goireasan rannsachaidh, gan toirt ri chèile.

Aig a' chuirm, bidh Rùnaire an Ionmhais Iain Swinney, agus riochdairean bho Phàrlamaid Òigridh na Gàidhealtachd.

Thuirt Stiùiriche a' Phròiseict, Ruairidh MacNèill, gur e seo am pròiseact as cudromaiche a th' aig UHI, agus gum bi an làrach ùr na buannachd do dh'eaconamaidh na sgìre.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile