Taic-airgid do dh'Fhèisean nan Gàidheal

Bidh 13,000 òganach a' gabhail pàirt sna fèisean a h-uile bliadhna

Tha Iomairt na Gàidhealtachd 's nan Eilean (HIE) a' cur faisg air £500,000 ri Fèisean nan Gàidheal thairis air trì bliadhna.

Tha HIE ag ràdh gu bheil na fèisean a' toirt inbhe air leth cudthromach do cheòl agus ealain Ghàidhlig.

Bidh suas ri 13,000 òganach a' gabhail pàirt anns na fèisean a h-uile bliadhna.

Bheir an t-airgead seo cothroman a bharrachd dhan òigridh ionnstramaidean ciùil ionnsachadh.