Sitheann Rùim a' dol air a' mhargaid

Fèidh-ruadha
Image caption Tha tòrr rannsachaidh ga dhèanamh air fèidh an eilein

Tha muinntir Rùim an dòchas gum bi sitheann an eilein aca air a' mharcaid ro dheireadh an t-Samhraidh.

Fhuair Comann na Coimhearsnachd £10,000 bhon Chrannchur Mhòr an t-seachdain seo airson an iomairt aca a chur air chois, agus innealan a cheannach.

Tha iad den bheachd gum bi margaid mhòr dha-rìribh ann airson na feòla.

Thuirt Cathraiche a' Chomainn, Lesley Watt, gu bheil an t-eilean ainmeil airson fèidh ruadha agus tha luchd-turais tric a' foighneachd carson nach eil an cothrom aca sitheann-fèidh a cheannach.

Margaideachd

'S e sin a thug dhaibh am beachd gum bu chòir feuchainn air an fheoil a' mhargaideachd 's a reic.

"Tha an stòras seo againn, agus bu chòir rudeiginn a dhèanamh leis a bhitheas na bhuannachd dhan choimhearsnachd gu lèir," thuirt Mgr Watt.

"An-dràsta, tha sinn air ar cuingealachadh a thaobh na 's urrainn dhuinn a dhèanamh air an eilean, ach le seo, bidh comas againn airgead a dhèanamh as."

Tha an comann an dùil gun urrainn dhaibh leudachadh air a' ghnìomhachas.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile