Fear a bhàsaich air ainmeachadh

Baile an Fhraoich
Image caption Fhuaireas an corp aig Baile an Fhraoich feasgar Dihaoine

Dhearbh Polais a' Chinn a Tuath gur e corp Eideaird Phorter, a bha a dhìth bho chionn trì seachdainnean, a chaidh a thoirt as a' Chanàl Chailleannach ann an Inbhir Nis Dihaoine.

Chaidh mothachadh dhen chorp le neach a bha a-muigh san sgìre.

Bha daibhearan poilis air a bhith a' sgrùdadh a' chanàil an t-seachdain a chaidh feuch sgeul fhaighinn air Mghr Porter, a bha 33.

Cha deach fhaicinn bhon 11mh den Ghiblean.

Tha dùil gun robh e a' dol a dh'iasgach chun a' chanàil no gu Abhainn Nis nuair a chunnacas mu dheireadh e.

Thuirt Polais a' Chinn a Tuath nach robh càil amharasach mu bhàs.