Northlink a' call cùmhnant

Chan eil ach aon sheirbheis aiseig aig Serco thuige seo

Chaill a' chompanaidh Northlink an cùmhnant airson an t-seirbheis aiseig eadar Scrabster agus na h-Eileanan a Tuath a ruith.

Thuirt Riaghaltas na h-Alba gu bheil a h-uile coltas ann gur e a' chompanaidh Serco a gheibh an cùmhnant nuair a thèid ùrachadh as t-Sàmhradh.

Am measg nan seòlaidhean a thèid fo smachd Serco, tha eadar Scrabster agus Stromness ann an Arcaibh.

Chan eil aig Serco ach aon sheirbheis aig an ìre seo, bàt-aiseig fosgailte air Uisge Thames ann an Sasainn.