BBC Naidheachdan

Prionnsapal ùr aig Colaiste a' Chaisteil

Published
image copyrightColaiste Chaisteil Leòdhais
image captionBhòt am Bòrd gu h-aona-ghuthach airson Mhgr Mhic a' Mhaoilein
Dh'ainmich Colaiste Chaisteil Leòdhais ann an Steòrnabhagh prionnsabal ùr.
Bhòt Bòrd Stiùiridh na Colaiste gu h-aona-ghuthach airson Mgr Iain Mac a' Mhaoilein a chur anns an dreuchd.
Leig an seann phrionnsabal, Dàibhidh Green, a dhreuchd dheth an-uiridh, às dèidh 15 bliadhna.
Bha Mgr Mac a' Mhaoilein ag obair mar phrionnsabal eadar-amail às dèidh do Mgr Green a' cholaiste fhàgail aig deireadh na bliadhna an-uiridh.
Bha e roimhe ag obair mar Stiùiriche Ionmhais agus Sheirbheisean Corporra na colaiste.
Tha Colaiste a' Chaisteil mar phàirt de dh'Oilthigh na Gàidhealtachd 's nan Eilean.