30 crann a bharrachd do thuath-gaoithe Ìsginn?

Tuath-gaoithe
Image caption Fhuaireas cead mar thà airson 39 crann-gaoithe air an làraich.

Tha Oighreachd Ìsginn ann an Leòdhas air còmhraidhean a thòiseachadh leis an Riaghaltas agus iad a-nis ag iarraidh 30 crann a bharrachd a chur ris an tuath-ghaoithe a tha san amharc aca.

Dhèanadh sin cha-mhòr dùblachadh air meud an tuath-ghaoithe.

Tha na planaichean air gearainnean làidir a tharraing mar thà bho bhuidhnean glèidhteachais leithid an RSPB, air a bheil dragh mòr mu dhroch bhuaidh air iolairean mara agus iolairean buidhe san sgìre, a bhios a' sgiathalaich tron àite far a bheileas am beachd na crainn-ghaoithe eile a thogail.

Tha an t-uachdaran, Nick Oppenheim, ag ràdh gu bheil an leasachadh a' ciallachadh gum bi ceangail ri Tìr Mòr a leigeas le barrachd sgeamaichean cumhachd ath-nuadhachail a dhol air adhart, agus a bheir cosnadh don eilean.

Gheibh a' choimhearsnachd £35m thairis air 25-30 bliadhna às a' chiad earrainn den tuath-ghaoithe, a rèir Mhgr Oppenheim, agus thuirt e cuideachd gun tigeadh airgead den aon sheòrsa a-mach às an dàrna earrainn, nan leigte leis a dhol air adhart.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile