Stiùidio
Cha chluich seo air an uidheamachd agaibh

Naidheachdan 11:00m

31 An Cèitean 2012 Ùraichte aig Ùraichte aig

Bàs Cloinne

Nochd càraid anns a' chùirt ann an Derbyshire fo chasaid gun do mhuirt iad an sianar cloinne aca ann an teine nan dachaigh. Chaidh Mick is Màiread Philpot a chumail ann an grèim.

Leveson

Thathar a' dlùth-cheasnachadh Rùnaire a' Chultair Jeremy Hunt aig rannsachadh a' Mhorair Leveson an-dràsta fhèin air mar a làimhsich e tagradh aig News Corporation gus BSkyB a ghabhail thairis. Tha mòran air a bhith ag iarraidh gum fàg Mgr Hunt a dhreuchd an dèidh mar a nochd fianais mu na ceanglaichean a bh' eadar an oifis aige agus an gnìomhachas aig Rupert Murdoch air a' mhìos a dh'fhalbh.

UB Hebrides

Chaidh companaidh ùr a stèidheachadh, UB Hebrides, le feadhainn de stiùirichean UBC. Thuirt Seumas Pedrana, ceannard na companaidh ùire, gu bheilear an dòchas an oabir a bh' aig UBC a chrìochnachadh. A rèir Mhgr Pedrana tha iad cuideachd ag iarraidh cùmhnantan ùra fhaotainn, agus dreuchdan a chruthachadh. Tha co-bhanntachd de luchd-gnìomhachais o air feadh nan Eilean 's na Gàidhealtachd an sàs anns a' chùis cuideachd. Nuair a chiadh UBC fodha nas tràithe air a' mhìos chaill 240 duine an cuid chosnaidh.

Andy Coulson

Chaidh seann stiùiriche conaltraidh a' Phrìomhaire, Andy Coulson, a chur fo chasaid gun do dh'innis e breugan anns a' chùirt. Chaidh Mgr Coulson a cheasnachadh fad grunn uairean de thìde ann an Glaschu ann an co-cheangal ri cùis-lagha an fhir-phoileataigs Tommy Sheridan.

Tuathan-gaoithe

Chaidh cead-dealbhachaidh iarraidh airson dà thuath-gaoithe mòr a thogail os cionn Loch Nis. Tha SSE Renewables ag ràdh gu bheil iad an dòchas suas ri £600m a chosg air dà oighreachd air gach taobh den loch. Tha iad a' cumail a-mach gun tèid còrr air 100 dreuchd a chruthachadh. Chaidh an àireamh de mhuilnean a bhathar airson a chur an sàs a lùghdachadh, agus thachair seo às dèidh co-chomhairleachaidh phoblaich air a' chùis.

Àrachas Càr

Tha Coimisean na Farpais a' dol a rannsachadh margaidh àrachais chàraichean na dùthcha. Tha Oifis na Malairt Cothromaiche ag ràdh nach eil an siostam a th' ann gus dèiligeadh ri tagraidhean airson tubaistean-rathaid ag obrachadh ceart. Tha iad ag ràdh nach eil mòran smachd aig na companaidhean àrachais orrasan a dh'adhbharaich tubaist air an dòigh anns a bheilear a' dèanamh obair-càraidh. Fhuair iad cuideachd gun robhar a' cur ris a' chosgais a bh' ann càraichean air màl a bhith aig dràibhearan fhad 's a thathar a' càradh nan carbadan aca fhèin.