Rabhadh mu dhràibheadh fon deoch aig RockNess

Tha seirbheisean còmhdhail poblach gan cur air dòigh airson na fèise.

Le dìreach dà là ri dhol mus tòisich an fhèis chiùil RockNess, tha Poilis a' Chinn a Tuath a' toirt rabhaidh gum bi iad ag amas air duine sam bith a dh'fheuchas ri dràibheadh fo bhuaidh na dibhe, no fo bhuaidh dhrogaichean, thairis air an deireadh sheachdain.

Tha poilis a' cur an cuimhne dhaoine gum faodadh duine fhathast a bhith fo bhuaidh na dibhe fiù 's dusan uair de thìde às dèidh dhaibh a bhith ag òl.

Tha iad cuideachd a' comhairleachadh do dhaoine beachdachadh air an càr fhàgail aig an taigh.

Tha seirbheisean còmhdhail air an cur air dòigh do dhaoine a tha a' dol chun na fèise.