BBC Naidheachdan

Sùil as ùr air curfew Inbhir Nis

Published
image copyrightvt freeze frame
image captionChuireadh an casg an sàs ann an 2003 gus smachd a chumail air an deoch sa bhaile.
Thèid sùil as ùr a thoirt air riaghailt a tha a' casg taighean-òsta bho bhith a' leigeil dhaoine a-steach a dh'òl às dèidh meadhan oidhche.
Chaidh an casg a thoirt a-steach ann an 2003 mar dhòigh air ceannsail a chumail air daoine leis an deoch, agus faochadh a thoirt do dhràibhearan tacsaidh.
Ach tha cuid de na h-ostairean ag ràdh gu bheil sin a' fàgail daoine a' coiseachd a-mach às dèidh 11:00f.
Tha Bòrd Ceadachd na Gàidhealtachd gus coinneachadh an ath-sheachdain agus beachdaichidh iad co-dhiù bu chòir a' chùis atharrachadh.