Co-chomhairleachadh seach-rathaid

Roghainn 6 Image copyright Highland Council
Image caption Cosgadh Roghainn 6 £27.2m.

Iarraidh daoine a tha a' fuireach ann an Inbhir Nis air comhairlichean gun goireasan spòrs a mhilleadh gus seach-rathad ùr a thogail dhan bhaile.

Tha muinntir Tòrr Bheathain, Bhaile Theàrlaich agus Taobh Nis a' toirt na h-iomairt aca dhan Chomhairle air a' chiad là den Charrette (co-chomairleachadh poblach).

Mairidh an Charrette air na planaichean trì làithean, 's e a' tòiseachadh Diluain, agus Comhairle na Gàidhealtachd a' moladh roghainn a chuireadh drochaid fhosglaidh thar a' chanàil agus drochaid iosail eile thar na h-aibhne.

Thathas air gealltainn leasachadh a dhèanamh air goireasan spòrs eile ma thachras seo, ann an sgìre a' Bhught agus Tòrr Bheathain, ri linn draghan mu na goireasan a thèid a chall.

Chuireadh sin £5m ris a' chosgais.

Tòisichidh an Charrette aig 7:00f Diluain ann an Ionad Crìosdaidh Chùl Daothail.

Tha dùil gun tòisich obair air an t-seach-rathad ann an 2014.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile