Cuach a' Cho-Op aig Càrlabhagh

  • 3 An t-Sultain 2012
Ball-coise
Image caption Chaidh an geama gu breaban peanais, às dèidh sgòr 1-1.

Tha sgioba Chàrlabhagh air a' chiad duais aca a bhuannachadh bho 1957.

Rinn iad a' chùis air sgioba a' Bhac ann an cuart deireannach Cuach a' Cho-Op oidhche Shathairne.

Chrìochnaich an geama 1-1, le Friseal MacLeòid a' cur sgioba a' Bhac air thoiseach le cairteal na h-uarach de gheama air fhàgail, ach fhuair Seumas MacLeòid tadhal do Chàrlabhagh le seachd mionaidean ri dhol.

Rinn Càrlabhagh a' chùis 7-6 an dèidh bhreaban peanais.