Gearain mun Oifis a' Phuist

Scalpaigh Image copyright Undiscovered Scotland
Image caption Tha astar sia mìle eadar Scalpaigh agus an Tairbeart.

Sgrìobh BP nan Eilean Siar chun a' Phuist Rìoghail ag ràdh gu bheil grunn dhaoine air gearain a thogail leis mu sheirbheis choimpiutaireachd Oifis a' Phuist ann an Scalpaigh.

Tha Aonghas Brianan MacNìll ag ràdh nach eil daoine air na peinnseanan no socharain aca fhaighinn ann, bho chionn cola-deug, 's gum feum a' chùis reiteach cho luath 's a ghabhas.

"Tha cuid de dhaoine air a dhol dhan Tairbeart a dh'iarraidh a' pheinsein," thuirt Mgr MacNìll.

"Agus tha mi cinnteach gu bheil sin math gu leòr do dh'fheadhainn, ach nach eil e cho furasta do dh'fheadhainn eile.

"Tha mi a' smaoineachadh gu bheil an fhìor-àm aig Oifis a' Phuist tighinn agus seo a chàradh," thuirt e.

Duilleagan Eadar-lìn co-cheangailte

Chan eil uallach air a' BhBC son na tha air làraichean-lìn eile