Uachdaran Èisdeil deònach an t-eilean a reic

Bha an t-uachdaran ag iarraidh £1,000 airson am fearann aige a chleachdadh.

Dh'innis uachdaran Eilein Èisdeil ann an Earra-Ghàidheal gu bheil e deònach an t-eilean a reic ris a' choimhearsnachd.

Bha e a' bruidhinn agus farpais losg-bhra-teine na Cruinne ga cumail san eilean air an deireadh sheachdain.

Bha na h-uidhir de chonnspaid a' cuairteachadh na farpais, a tha ga cumail ann an seann chuaraidh sgleata an eilein, agus an t-uachdaran ag ràdh, airson a' chiad turais o thòisich an fharpais o chionn 15 bliadhna, gun robh e ag iarraidh airgid airson am fearann aige a chleachdadh.

Thuirt an fheadhainn a bha ga ruith gun robh e ag iarraidh cus, agus gun deadh an fharpais air adhart mar bu ghnàth.

Fhuair a' choimhearsnachd tabhartas airgid bho phàipear-naidheachd airson an uachdaran a phàigheadh.

B' e Ron Long, às a' Chuimrigh, a bhuannaich an fharpais am bliadhna.

Bhuail an t-Albannach, Dougie Isaacs, am balla air taobh thall a' chuairidh trì tursan sreath a chèile - a' chiad uair a tha duine air a leithid a dhèanamh.