Ospadal an Ath Leathainn fhathast dùinte

Tha an ospadal dùinte do dh'euslaintich ùra agus do luchd-tadhail.

Tha Ospadal an Ath Leathainn, san Eilean Sgitheanach, fhathast dùinte do dh'euslaintich ùra 's tinneas air bualadh air euslaintich 's luchd-obrach.

Tha NHS na Gàidhealtachd amharasach gur e Noro-bhìoras a th' orra.

Tha dithis euslainteach 's 14 den luchd-obrach air a bhith tinn leis.

Thuirt an t-àrd-nurs, Chrisann O' Halloran, gu bheil iad an dòchas fosgladh a-rithist air an deireadh-sheachdain.