Taisbeanadh Tuath-gaoithe Tholastaidh

Nì a' chompanaidh chumhachd ath-nuadhachail, 2020 Renewables, taisbeanadh ann an Tolastadh bho Thuath ann an Leòdhas Dimàirt leis na planaichean aca airson 14 crainn-ghaoithe a chur an-àirde anns an sgìre.

Thathas am beachd tuath-gaoithe a chruthaicheas 42 MW a thogail ann.

Tha iad ag amas air cead dealbhachaidh iarraidh air Comhairle nan Eilean Siar as t-Samhradh an ath-bhliadhna.

Ach, tha dragh ann gun cuir a' mhì-chinnt a tha a' cuairteachadh a' chàbail-dealain a tha san amharc eadar Leòdhas agus Tìr Mòr, maill air a' phròiseact.