Cus obrach aig Comhairle na Gàidhealtachd

Tha an àireamh air èirigh 5% bho 2010.

Thuirt cairteal de luchd-obrach Comhairle na Gàidhealtachd gu bheil cus obrach aca ri dhèanamh.

Tha sin a rèir rannsachaidh ùir a sheall gu bheil an àireamh suas 5% bho chaidh coimhead ris a' chùis mu dheireadh ann an 2010.

Is coltach gu bheil barrachd dhaoine cuideachd a' faireachdainn gu bheil iad fo uallach-obrach.

Thèid toraidhean an rannsachaidh a chur mu choinneamh Comataidh Ionmhais, Taigheadais agus Ghoireasan na Comhairle Diciadain.