Corp ga lorg an Steòrnabhagh

Chaidh na poilis a ghairm gu sgire Cheann a' Bhàigh an Steòrnabhagh timcheall air 2.00f Diardaoin.

Thòisich Poilis a' Chinn a Tuath rannsachadh às dèidh mar a chaidh fireannach fhaighinn marbh ann an Steòrnabhagh Diardaoin.

Chaidh na poilis a ghairm gu sgire Cheann a' Bhàigh den bhaile timcheall air 2.00f Diardaoin.

Chiadh corp fireannaich a lorg air cùl flataichean sa sgìre.

Dh'innis na poilis gur e Uilleam Iain MacIain a bha 54.

Tha na poilis a-nise a' sgrùdadh dè thachair dha.

Aig an ìre seo, tha iad den bheachd nach eil dad amharasach mun chùis.

Tha na poilis airson bruidhinn ri duine sam bith a chunnaic Mgr MacIain anns na beagan làithean a chaidh.

Thèid rannsachadh post mortem a dhèanamh agus thèid aithisg a chur gu Neach Casaid a' Chrùin.

Chaidh fios a chur air teaghlach an duine.