Limond a’ togail tiotail eile

Willie Limond

Chuir an rèitire stad air an t-sabaid eadar Limond agus Eddie Doyle as dèidh 116 diogan.

Chaidh Doyle a leagail dà thuras sa chiad chuairt, is ged a dh'èirich e gu a chasan às dèidh gach buille chuir an rèitire stad air t-sabaid as dèidh do Doyle a bhith air a' chanbhas an dàrna uair.

Tha Limond air gluasad suas bho lightweight gu light-welterweight, agus dh'innis e gu bheil e tòrr nas comfhurtaile aig cuideam nas troime.

"Bha mòran dhaoine a' smaoineachadh gun robh mi deiseil agus 's fhurasta a thuigsinn carson a bha iad a' smaoineachadh sin."

Bha coltas cumhachdach air Limond is bha e a' feuchainn ri Doyle a leagail cho tràth 's a b' urrainn dha.

"Bha mi ag amas air buillean làidir fheuchainn bhon chiad dol-a-mach.

Chuir an rèitire stad air t-sabaid sa chiad chuairt

B'e sin a' chiad uair ann an ùine mhòir a bha mi a' faireachdain comfhurtail leam fhèin."

Ghabh an t-sabaid àite aig Cluba Spòrs Naomh Anndrais, cluba a chuir an t-sabaid air dòigh airson ceann bliadhna sònraichte a chomharrachadh. An 40mh bliadhna bho chaidh a stèidheachadh.

Cuideachd a' sabaid bha farpais heavyweight eadar Gary Cornish, bho Inbhir Nis agus Tamas Bajzath as An Ungair.

Rinn Cornish a chùis air puingean, an 12mh turas às dèidh a chèile a tha e air buinig.