Rannsachadh air tubaist lioft-sgithidh aig an Leac

Published
image copyrightStephen Bastiman-Davies
image captionBha 36 duine air an glacadh rè ùine às dèidh na tubaiste.

Tòisichidh sgrudadh Diciadain air na dh'adhbhraich tubaist aig raon-sgithidh na Lice ann an Siorrachd Obar Dheadhain anns an deach sianar an goirteachadh.

B'fheudar cobhair a dhèanamh air 36 duine eile nuair a bhris càbal air lioft-sgithidh, 's a chaigh an glacadh san lioft rè ùine.

Thachair an tubaist mu 3:30f Dimàirt, aig Coire Gharbhaidh.

Chan eil e soilleir fhathast dè direach a thachair, ach thathas a' tuigsinn gur dòcha gun tàinig aon de na càbalan a bha a' tarraing sheithrichean sgithidh gu mullach na beinne far a' crainn aige.

Chaidh aon inbheach agus còignear duine-cloinne a ghoirteachadh san tubaist.

Chaidh heileacoptairean a chleachdadh airson an togail dhan ospadal ann an Obar Dheadhain agus Inbhir Nis, 's iad a' fulang chnàmhan briste agus druim goirt.

Cuiridh oifigich bho Bhuidheann na Slàinte 's na Sàbhailteachd rannsachadh air chois feuch dè dìreach a thachair.

Ceanglaichean Eadar-lìn Dàimheil

Chan eil am BBC an urra ri na tha air Làraichean-lìn air an taobh a-muigh