Bàt-aiseig eile air briseadh sìos

Bhris bàta-aiseig eile le CalMac air an deireadh sheachdain.

Dh'fheumadh MV Hebrides tilleadh a dh'Ùige san Eilean Sgitheanach ri linn trioblaid teicnigich Là na Sàbaid.

Bha sin às dèidh mar a bhrìs fear de na h-einnseanan air MV Isle of Lewis, agus mar a dh'fheumadh an Lord of the Isles a thoirt a-mach à seirbheis airson a glanadh.

Bha maill fhathast madainn Diluain air clàr-ama nan aiseagan dha na Hearadh agus a dh'Uibhist a Tuath ri linn na trioblaid.