Soilleireachadh ga iarraidh mu Raon nan Rocaidean

Image copyright PA

Image caption Dh'iarr a' Chomhairle soilleireachadh bho Holyrood agus Westminster.

Dh'iarr ceannard Comhairle nan Eilean Siar, Aonghas Caimbeul, gun dèan gach taobh ann an deasbad na neo-eisimeileachd soilleir dè thachradh do Raon Rocaidean Uibhist às dèidh an referendum an ath-bhliadhna.

Bha e a' bruidhinn agus cathraiche Comataidh Thaghte nan Cùisean Albannach, Ian MacDhàibhidh, a ràdh gum biodh e coltach gun tigeadh air an MoD an t-ionad a dhùnadh nam bhòtadh Alba airson neo-eisimeileachd.

Tha an SNP air a ràdh nach robh Mgr MacDhàibhidh ach a' brosnachadh eagail am measg dhaoine, 's iad ag ràdh gum biodh goireasan dìon àbhaisteach ann an Alba nas sàbhailte às dèidh neo-eisimeileachd.

Tha Mgr Caimbeul ag iarraidh air an dà chuid Riaghaltas na h-Alba, agus Riaghaltas Westminster, an seasamh air raon nan rocaidean a shoilleireachadh.